ရင်ဘတ်ထဲက ခံစားချက် အပိုင်းအစ

ယိုင်နဲ့နဲ့ ခံစားချက်တစ်ချို့ကနေ
လွင့်စင်ကျလာတဲ့ သံစဉ်တစ်ချို့
သီဆိုသူ ကင်းမဲ့ပြီး
ဦးတည်ချက်မဲ့စွာ လွင့်မြောနေခဲ့တာ
လအတော်ကြာပါပြီ ....

လောင်မြိုက်နေတဲ့ မီးလောင်ရာကွင်းပြင်အလယ်
ငါတစ်ယောက်ထဲ ယောင်နနနဲ့
အူကြောင်ကြောင် ဟိုကြည့်ဒီကြည့်နဲ့
မတ်တတ်ရပ်နေမိတာလဲ
လအတော်ကြာပါပြီ ....

ကဲမင်းပြောတဲ့ အချစ်ဆိုတဲ့အရာရဲ့ အဓိပ္ပါယ်ကို ငါခံစားမိသလောက် ရှင်းကြည့်မယ်..
*အချစ်ဆိုတာကို အတိအကျ မသိပဲနဲ့ `ငါ မင်းကို ချစ်တယ်´ လို့ ပြောနေကြတဲ့ လူတွေ အားလုံးအတွက် စဉ်းစားကြည့်ရအောင်လို့ တင်ပြလိုက်ပါတယ်တဲ့*

ဇောချွေးတွေ ပြန်နေတာလား။ ရင်ခုန်နှုန်းတွေ တဒုန်းဒုန်းနဲ့ ဖြစ်နေတာလား။ ပြောဖို့ စကားတွေက ရင်ခေါင်းထဲကနေကို မထွက်ဘူး ဖြစ်နေတာလား။
ဒါ အချစ် မဟုတ်ဘူး။ အဲဒါ သဘောကျတာပါ တဲ့
(စိုးရွံ့တဲ့စိတ်နဲ့ မုန်းမိမယ့်စိတ်တို့ကြောင့် ဖြစ်လာတဲ့ သယုတ်ပြကွက်တစ်ခုပါ) လို့ ကိုပြန်ပြီးဖြေရှင်းချင်တယ် ... (ညီ)

မင်းရဲ့ မျက်စိအောက်က အပျောက်ကို မခံနိုင်ဘူး။ တစ်ခဏလေး လက်တွဲဖြုတ်ရမှာကို သိပ်စိုးရိမ်နေတယ်။
ဒါ အချစ် မဟုတ်ဘူး။
အဲဒါ ရမ္မက်ပါ တဲ့
ကိုကတော့အဲ့လိုမထင်ဘူး အဲ့ဒါဟာ ရင်ဘတ်ထဲက မြတ်နိုးမှုတွေ၊ ဂရုစိုက်မှုတွေနဲ့ တရှိုက်မက်မက်စွဲလမ်းမှုတစ်ခုရယ်ပါ .. (ညီ)

မင်းရဲ့ အနားက တစ်ဖ၀ါးမှ မကွာ သူ့ကို နေစေချင်တာလား။
ဒါ အချစ် မဟုတ်ဘူး။ အထီးကျန်လို့လေ တဲ့
ကိုကတော့ ဒါဟာ ဝေးလွင့်သွားခြင်းရဲ့ နောက်ဆက်တွဲ အလွမ်းတွေနဲ့အဖော်ပြနေရမှာ တစ်ခုအတွက်ပါ ... (ညီ)

သူက မင်းကို အနမ်းလေး ပေးတယ်။ မင်းရဲ့ လက်ကလေးကို မြဲမြဲ ဆုပ်ကိုင်ထားလို့ မင်း သူ့အနားမှာ ရှိနေတာလား။
ဒါ အချစ် မဟုတ်ဘူး။ ကိုယ့်ကိုယ်ကို ယုံကြည်မှု နည်းနေလို့ပါ တဲ့
အဲ့ဒါဟာ ချစ်တဲ့စိတ်ကြောင့်ဖြစ်လာတဲ့ ကြည်နူးမှုတစ်ချို့တစ်လေပါ .... (ညီ)

အချစ်ပါလို့ ဖြောင့်ချက်ပေးပြီး သူ့အနားမှာ မင်းနေပေးတာ သူ့ကို လုံးဝ မထိခိုက်စေချင်လို့ မဟုတ်လား။
ဒါ အချစ် မဟုတ်ဘူး။ သနားတာလေ။
မဆိုင်ဘူးလို့ပဲ ငြင်းချင်တယ် ဒါဟာ အချစ်ထိပ်ဆိုင်ထောင့်နှစ်ခုပေါင်းလို့ဖြစ်လာတဲ့ တူညီချက်တစ်ခုရဲ့ result ပါ ချစ်သူ... (ညီ)

သူ့ရဲ့ အကြည့်တစ်ချက်မှာ ရင်ခုန်သံ ရပ်တန့်မတတ် ဖြစ်သွားလို့ သူ့ကို ပုံအပ်လိုက်ချင်တာလား။
ဒါ အချစ် မဟုတ်ဘူး။ အရူးအမူး စွဲလမ်းတာ လောက်ပါ တဲ့
ဒါဟာ နှလုံးရောဂါအခံရှိတဲ့ လူတစ်စုရဲ့ လုပ်ကြံစကားပါ ..... (ညီ)

သူ့ကို သိပ် ဂရုစိုက်လို့ သူ့အပြစ်တွေကို ခွင့်လွတ်ပေးနိုင်တာလား။
ဒါ အချစ် မဟုတ်ဘူး။ သူငယ်ချင်းကောင်းတစ်ယောက်ရဲ့ ခင်မင်ရင်းနှီးမှုပါ။
ဒါဟာ ခွင့်လွတ်နိုင်တဲ့အပြစ်တစ်ခုမို့လို့ပါ ... (ညီ)

........ xxx ကဲလာပြီ ဒါက သူပြောတဲ့အချစ်တဲ့ xxx ......
သူ ၀မ်းနည်းတဲ့အခါ မင်း အသည်းကြွေမတတ် ခံစားရသလား။
ဒါမှ အချစ်လေ။
ဘာလို့ဝမ်းနည်းတာလဲလို့အရင်မေး ပြီးမှ ခံစားသင့်ရင်ခံစား (တော်ကြာ တစ်ခြားကောင်လေးတစ်ယောက်ကြောင့်ဝမ်းနည်းနေတာကို ကိုက ဘုမသိဘမသိနဲ့ စွပ်ပြီးခံစားနေရင် အဓိပ္ပါယ်မဲ့နေမယ်လေ) (ညီ)

သူရဲ့ နာကျင်မှုတွေ အတွက် အပြင်ပန်း မဟုတ်တောင် စိတ်ထဲက ကျိတ် ငိုကျွေးခဲ့ရသလား။
အဲဒါ အချစ်လေ။
မင်းယောကျာင်္းမဟုတ်ဖူးလား၊ မျက်ရည်ဆိုတာယောင်္ကျားတို့ တတ်အပ်တဲ့အဌာရသ(၁၈)ရပ်ထဲမှာမပါဘူးလေ ...
အရင်ဦးဆုံးမင်းစဉ်းစားရမှာက ကိုယ့်မိဘအတွက် မဖြည့်ဆည်းပေးနိုင်တဲ့အရာတစ်ခုအတွက် ပထမဦးဆုံးမျက်ရည်ကျရမှာလေ ..
မိဘက ပထမအချစ် .. ပြီးမှ ချစ်သူက ဒုတိယအချစ် ... (ညီ)

မင်းရဲ့ မေတ္တာစစ် မေတ္တာမှန်နဲ့ မင်းရဲ့ ရင်တွင်း ခံစားချက်တွေကို သူ မြင်နိုင်ရဲ့လား။
ဒါမှ အချစ်လေ။
ရှေ့တင်မှာတော့ အမြဲငို၊ နောက်ကွယ်မှာတော့ အကဲပို ဆိုရင် မင်းဘယ်လိုလုပ်မလဲ ... (ညီ)

ဒုက္ခတွေ သုခတွေနဲ့ စည်းနှောင်ထားပြီး အဲဒီ ကြီးမားတဲ့ အားတွေက မင်းတို့ နှစ်ယောက်ကို လက်တွဲညီညီ ဖြစ်အောင် ဖန်တီးထားတာလား။
ဒါဆို အချစ်လေ။
အချစ်နဲ့ဆိုရင် ထမင်းရည်ပဲ အတူတူသောက်ရသောက်ရဆိုတဲ့ခေတ်က သာလွန်မင်းလက်ထက်လောက်ကပါ .. (ညီ)

သူ့ရဲ့ အားနည်းချက်တွေကို သူ့ရဲ့ အစိတ်အပိုင်း တစ်ခုအနေနဲ့ လက်ခံထားတာလား။
အဲဒါ အချစ်ပါ။
?????????? etc ....
ဘာတွေပဲပြောပြော ကိုကတော့ အချစ်ဆိုတဲ့ အရာဟာ အဓိပ္ပါယ်ဖော်လို့မရတဲ့ နက်ရှိုင်းတဲ့ခံစားချက်တစ်ခုလို့ထင်တယ်လေ
ဘာလို့လဲလို့လဲဆိုတော့ အဓိပ္ပါယ်ဆိုတာ တစ်ခုထဲပဲရှိရမယ့် ခြွင်းချက်ဝိသေသတစ်ခုနော် ...
ကိုကတော့ မင်းကို သူတို့တွေ ဖော်ကျူးနေပါတယ်ဆိုတဲ့ အချစ်ဆိုတဲ့ အရာထက်ကို နက်နက်ရှိုင်းရှိုင်းပိုချစ်တာပါ ...
ဆိုလိုတာက အဓိပ္ပါယ်ဖော်လို့မရတဲ့ အချစ်မျိုးပေါ့ ...
ညီနေမင်း