တစ်ချိန်က
မွန်းကြပ်တဲ့မီးလောင်တိုက်အတွင်းကိုလည်း
ငါခဏဆင်းခဲ့ဖူးတယ်
ပြောမပြတတ်တဲ့ သောကအစုံကိုလည်း
ငါခံစားခဲ့ရဖူးတယ်
ဦးတည်ရာမဲ့တဲ့ လှေတစ်စင်းကိုလဲ
ငါတစ်ရှိုက်မက်မက် လှော်ခတ်ခဲ့ဖူးတယ်
တန်ဖိုးရှိတဲ့အချိန်တွေကိုလည်း
ငါဖြုန်းတီးပြစ်ခဲ့ဖူးတယ်
လောကကြီးကို အပေါ်စီးကနေလည်း
ပေစောင်းစောင်း ငါကြည့်ခဲ့ဖူးတယ်
ငါ့ရဲ့နူးညံ့တဲ့ လက်အစုံနဲ့
ဘ၀ဆိုတဲ့ ပန်းပုတစ်စုံကိုလည်း
ငါထုဆစ်ခဲ့ဖူးတယ်
လမ်းပျောက်ကြယ်တစ်ပွင့်လည်း
ငါဖြစ်ခဲ့ဖူးတယ်
ပတ်ဝန်းကျင်ရဲ့ ရိုက်ခတ်မှုကြောင့်
ဒဏ်ရာရကျားတစ်ကောင်လည်း
ငါဖြစ်ခဲ့ဖူးတယ်
တစ်ခါတစ်ခါ ဘ၀ဆိုတာကြီးကို ပြန်စဉ်းစားကြည့်
ဟာတာတာနဲ့ အဓိပ္ပါယ်မဲ့နေသလိုပဲ
အခုတော့ ငါ့ဘ၀လေးဟာ
သဲကန္တာရတစ်နေရာကိုရောက်နေတဲ့လူတစ်ယောက်
အေးမြတဲ့ အိုအေစစ်ဆိုတဲ့နေရာလေးတစ်ခုကို
တွေ့ရာကနေ အာသာငမ်းငမ်း
သောက်သုံးလိုက်ရတဲ့ ရေတစ်ခွက်လိုပါပဲ ...
ရင်ထဲကို ဖော်မပြတတ်တဲ့ အင်အားတွေ
သွေးကြောတွေကနေတစ်ဆင့် စီးဆင်းသွားသလိုမျိုး
ငါခံစားလိုက်ရတယ် ...
တစ်ကယ်ဆိုဒါဟာ အချစ်ဆိုတဲ့အရာလားလို့
ငါဝေခွဲရင်းနဲ့ပဲ ငါ့သွေးတွေ
ကာရံမဲ့အလွမ်းတွေနှင့် အဖော်ပြုနေခဲ့မိတယ် ..
No comments:
Post a Comment