ငါ့ရင်ထဲက အငွေ့အသက်လောက်ပဲ
ကျန်နေတဲ့ အချစ်ဆိုတဲ့
မီးစာကုန်လုနီးနီး
မီးတောက်ကလေးကို
လောင်စာဖြည့်ပြီး
ပြန်ထွန်းညှိနှိုင်တဲ့ မင်းရဲ့အချစ်တွေကိုတော့
ထာဝရ ကို့ရင်ခွင်ရဲ့
နှလုံးသားတစ်နေရာမှာ
ထာဝရ သိမ်းဆည်းထားလိုက်ပြီလေ ...
နူးညံ့မှုအချစ်ဆိုတာ
ကြားဖူးပေမယ့်
မခံစားခဲ့ရတဲ့ ကိုယ့်ဘ၀တစ်ခုလုံးအတွက်
နက်နက်ရှိုင်းရှိုင်း ရူးသွပ်သွားတာ
ဘယ်လိုအကြောင်းတစ်ရားတွေကြောင့်လဲ ...
ဒဏ်ရာတွေနဲ့ ကျန်ခဲ့မှာကို တွေးမိလိုက်ပေမယ့်
ကိုယ့်ရင်ထဲမှာ မင်းကိုယုံကြည်လိုက်မိတယ်
တစ်ကယ်လို့
နာကျင်တဲ့ ဒဏ်ရာတစ်စုံပေးမယ်ဆိုရင်တောင်
ကိုယ့်ရဲ့ စစ်မှန်တဲ့အချစ်တွေကြောင့်
မင်းလဲ ကိုယ့်လို ခံစားရမှာပါ.
ကိုယ်ဒီဝေဒနာကိုခံစားရမယ်ဆိုရင်တောင်
အမြဲတမ်းပြုံးနေလိုက်မယ် ...
ဂျစ်ကန်ကန် ကောင်လေးတစ်ယောက်ရဲ့
ရင်ဘတ်အထဲထိကို
ဝင်လာနိုင်တဲ့ မင်းကို
ပြန်ထွက်သွားခိုင်းဖို့ဆိုတာ
ငါ့မှာ ခွန်အားမဲ့နေပြီလေ ......
ကိုတို့နှစ်ယောက်ရဲ့အချစ်တွေက
ဘာမျှော်လင့်ချက်၊ ဘာမက်မောမှုမှမပါတဲ့
ကာရံမဲ့အချစ်လေးပဲ ဖြစ်ချင်တယ် ချစ်သူရယ် ...
Subscribe to:
Post Comments (Atom)
No comments:
Post a Comment