မပြီးဆုံးသေးတဲ့ ပန်းချီကား

ယိမ်းထိုးနေတဲ့ စိတ်ကူးတစ်ချို့လေ
ခါးသက်သက် လောကကြီးကိုဟားတိုက်ပြီး
မွန်းကြပ်မှုဆိုတဲ့ စုပ်တံတစ်ချောင်းနဲ့
လွမ်းဆွေးမှုဆိုတဲ့ ရောင်စုံဆးခွက်ထဲမှာစိမ်ပြီး
ဝေဒနာဆိုတဲ့ မှိုင်းပြပြပန်းချီကားတစ်ချပ်ကို
တုန်ရီနေတဲ့ ငါ့နှလုံးသားတစ်စုံရဲ့
လမ်းညွှန်မှုအောက်မှာ
ခပ်ကြမ်းကြမ်းရေးဆွဲခဲ့မိတယ် xxxxx

ငါ့မျက်ဝန်းတစ်စုံရဲ့ရှေ့မှာ
ရေကာတာတစ်ခု ကာထားတဲ့ကြားက
လေးလံနေတဲ့ မျက်ခွံတွေကို ပင့်တင်ရင်း
မသဲကွဲတဲ့ အမြင်အာရုံတစ်ချို့နဲ့
ငါအားတင်းပြီး ကြည့်လိုက်မိတယ်.
ဒါပေမယ့်ဝါးတားတားရယ်ပါ xxxxxxx

တိမ်ဝင်နေတဲ့ ကွဲအက်အက်အသံတစ်ချို့
မပီသတဲ့ အပြုံးတုတစ်ခုကိုတပ်ပြီး
လှောင်ရီနေတဲ့ မင်းမျက်ဝန်းရှေ့မှာ
ေ၀၀ါးနေတဲ့အကြည့်အကြည့်နဲ့
အားတင်းပြီးပြောလိုက်တာက
မင်းအတွက်ဆို အမြဲတမ်းခွင့်လွှတ်ပြီးသားပါတဲ့ xxxxxxxx

ငါ့ခေါင်းပေါ်ကို ကျနေတာက
အေးစိမ့်စိမ့် ရေတစ်စက်ဆိုပေမယ့်
ကျတဲ့နေရာက
တစ်နေရာတည်းကိုပဲ ထပ်ခါတစ်လဲလဲလေ
မင်းပြောတော့ အေးမြဖို့အတွက်တဲ့
ငါ့အတွက်တော့ ရေကျသံကြားရင်ကို
ခေါင်းတစ်ခုလုံး ကွဲထွက်တော့မတတ် ခံစားနေရတယ်
မင်းခံစားကြည့်ပါ ဒီရေတစ်ပေါက်ရဲ့
အစွန်းရောက်တဲ့ ထိရောက်မှုတစ်ချို့ကို xxxxxxx

အရှုံးပေးပါပြီဆိုမှ
ဒူးထောက်ခိုင်းတယ် ..
ဒူးထောက်တယ်ဆိုမှ
လက်မြှောက်ခိုင်းတယ် ..
ဒါကိုတောင်မင်းဖက်က တရားတယ်တဲ့လား???
အားနွဲ့တယ်တဲ့လား ???

ငါးဆုံးဖြတ်လိုက်ပါပြီ
ဘယ်တော့မှ ဒီမှုန်ဝါးဝါး ပီချီကားကို
အဆုံးမသတ်တော့ဘူးလို့ xxxxxx