ကျွန်တော် ဒီကနေ့ တော်တော်လေးကို ၀မ်းနည်းကြေကွဲလိုက်ရတာပါ .. စိတ်ထဲမှာတော့ ဆို့နေတယ်.. လူ့ဘ၀ဆိုတာတစ်ကယ်တော့ မွေးဖွားခြင်းနှင့်စပြီး သေဆုံးခြင်းနဲ့ပဲ အဆုံးသတ်ကြတာပါပဲ ... ဒီကနေ့ မနက် (6:15) မိနစ်မှာ ကျွန်တော်နှင့်အတူ အလုပ်လုပ်ခဲ့တဲ့ မန်နေဂျာ (ကိုနီတွတ်) တစ်ယောက် ရန်ကုန်မြို့မှာပဲ ဆေးကုသမှုခံယူရင်း ဆုံးပါးသွားခဲ့လို့ပါ .. ဒီထိုင်းမှာကတည်းက ဆေးဝါးအကောင်းစားများနှင့်ကုသခဲ့ ပါတယ် .. ဒါပေမယ့်လို့ မရခဲ့လို့ မြန်မာပြည်ကို ပြန်သွားရင်း ၅ ရက်အကြာမှာဆုံးပါးသွားခဲ့ရခြင်းပါ .. ရောဂါကတော့ အသည်းရောင်အသားဝါ (ဘီပိုး)ကြောင့်ပါ ... တစ်ပတ်အတောအတွင်း ဗိုက်အောင့်ရာကနေ ချက်ခြင်း ဖြစ်သွားခဲ့ရခြင်းအတွက် ရုတ်တစ်ရက်ဆိုတော့ လက်မခံနိုင်ခြင်းပေါင်းများစွာနှင့်ပါ ... ရင်တစ်ခုလုံးမှာတော့ အရမ်းကိုဝမ်းနည်းနေမိတယ်.. နောက်ဆုံးသောတစ်နေ့မှာ ညီညီတို့လဲ အနှေးနှင့် အမြန် လိုက်လာရမှာ ဆိုတာတော့ အသေအချာပါပဲ .. အဲ့ဒီ့လိုအခြေအနေမျိုးမှာ ဒီ http://nyinaymin.blogspot.com ဆိုတဲ့ ဘလောက်လေးဟာ လာလည်တဲ့လူတွေ တစ်စတစ်စ နည်းလာရင်းနဲ့ နောက်ဆုံးသောတစ်နေ့ လာလည်သူမဲ့နေတဲ့ ချောက်ကပ်ကပ် ဘလောက်လေးတစ်ခုအဖြစ် ကျန်ရစ်ခဲ့မှာပါ ... ရင်ထဲမှာတော့ ဆို့နေတာပဲဗျာ ... လူ့လောကကြီးက စိတ်ထားအရမ်းကောင်းတဲ့လူတွေကို ဘာဖြစ်လို့ အရင်ဦးဆုံး ခေါ်သွားရတာလဲ ... လူ့လောကကို ပျော်ရွှင်မှုတွေ၊ ဟာသတွေနဲ့ပဲ တည်ဆောက်ချင်ခဲ့တဲ့ ကိုနီတွတ်အဖြစ်ရော၊ ကျွန်တော် ထိုင်းနိုင်ငံသူ/သားတွေနဲ့ စကားများတဲ့အခါမျိုးတွေမှာ ဘာပဲဖြစ်ဖြစ် ရှေ့ဆုံးကနေ မားမားမတ်မတ်ရပ်တည်ပေးခဲ့တဲ့ အစ်ကိုတဖြစ်ရောပါ ကိုနီတွတ်ကို ညီလေးဒီနေရာကနေ ဆုတောင်းလိုက်ပါတယ် .. ကိုကြီး ကောင်းရာသုဂတိလားပါစေဗျာ ..
ဝမ်းနည်းကြေကွဲမှုများစွာနှင့်
ညီညီ (ခေတ္တ - ထိုင်းနိုင်ငံ)
No comments:
Post a Comment